ရန်ကုန်၊ မေ ၂၅၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးအတွက် ရန်ကုန်အရှေ့ပိုင်းခရိုင် လူထုဆန္ဒ ထုတ်ဖော်ပွဲကို အခြေခံဥပဒေပြင်ဆင်ရေး တက်ကြွလှုပ်ရှားသူများ ကွန်ရက်အဖွဲ့က ဦးဆောင်ကာ အရပ်ဘက် အဖွဲ့အစည်း ၃၀ ကျော်မှ လူအင်အား ၃၀၀၀ ခန့်က မေလ ၂၅ ရက်နေ့တွင် ဆန္ဒထုတ်ဖော်ခဲ့ကြောင်း ဆန္ဒထုတ်ဖော်ရာတွင် ပါဝင်ခဲ့သူများက ပြောကြားသည်။
အဆိုပါ လူပေါင်း ၃၀၀၀ ကျော် ပါဝင်သည့် ရန်ကုန်အရှေ့ပိုင်းခရိုင် ဆန္ဒထုတ်ဖော်ပွဲ ခွင့်ပြုမိန့် လျှောက်ထားလွှာကို မေလ ၁၉ ရက်နေ့တွင် သာကေတမြို့နယ် အုပ်ချုပ်ရေးမှူးရုံးသို့ လျှောက်ထားခဲ့ခြင်း ဖြစ်ကြောင်း အခြေခံဥပဒေပြင်ဆင်ရေး တက်ကြွလှုပ်ရှားသူများ ကွန်ယက်အဖွဲ့ထံမှ သိရှိရသည်။
ယင်းဆန္ဒထုတ်ဖော်ပွဲတွင် ၈၈ မျိုးဆက် ကျောင်းသားခေါင်းဆောင် ဦးဌေးကြွယ်က အခြေခံဥပဒေ ပုဒ်မ ၄၃၆ ပြင်ဆင်ရေးအတွက် ဟောပြောခဲ့ကြောင်း ယင်းဆန္ဒထုတ်ပွဲတွင် ပါဝင်ခဲ့သူ ဦးနိုင်က ပြောဆိုသည်။
လူထုဆန္ဒ ထုတ်ဖော်ပွဲကို သာကေတ ကျောက်တိုင်မှ စတင်ပြုလုပ်ခဲ့ပြီး သာကေတ အားကစားကွင်းတွင် စုရပ်အဖြစ် သတ်မှတ်ကာ အခြေခံဥပဒေပြင်ဆင်ရေး လူထုဟောပြောပွဲ ပြုလုပ်ခဲ့သည်။
အခြေခံဥပဒေ ပုဒ်မ ၄၃၆ ပြင်ဆင်ရေးအတွက် အမျိုးသားဒီမိုကရေစီအဖွဲ့ချုပ် NLD ပါတီနှင့် ၈၈ မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းတို့ ပူးပေါင်းကာ ရန်ကုန်နှင့် မန္တလေးမြို့များတွင် ဟောပြောပွဲများနှင့် လူထုဆန္ဒ လက်မှတ် ကောက်ယူရေး လုပ်ငန်းများ ယခု ဒုတိယပတ်အတွင်း ဆက်တိုက် လုပ်ဆောင်ခဲ့သည်။
The Voice Weekly
0 comments