ဆီဆိုင် ဇွန် ၁ရှမ်းပြည်နယ် (တောင်ပိုင်း) ပအိုဝ်း ကိုယ်ပိုင် အုပ်ချုပ်ခွင့်ရဒေသ ဆီဆိုင်မြို့နယ်တွင် မေ ၂၉ ရက် နံနက် ၃ နာရီခန့်က လေပြင်းတိုက်ခတ်၍ မိုးသည်းထန်စွာ ရွာသွန်းခြင်းကြောင့် ဆီဆိုင်မြို့နယ် ပါလောပါကယ် ကျေးရွာအုပ်စု ခြောက်လောင်း ကျေးရွာတွင် အိမ်တစ်လုံး ပြိုကျခဲ့ပြီး သုံးလုံး အမိုးလန်၊ ကန့်ကော် ကျေးရွာတွင် အိမ်နှစ်လုံးအမိုးလန်၊ ဘုရားကျိန်ကျေးရွာတွင် အိမ်တစ်လုံး ပြိုကျပြီး လေးလုံးမှာ အမိုးလန်၊ ကုံလော ကျေးရွာတွင် အိမ်လေးလုံးမှာ ထရံ ကွာကျခဲ့ပြီး ရှစ်လုံး အမိုးလန်ခဲ့ရာ အိမ်ထောင်စု ၂၃ စုနှင့် လူဦးရေ ၉၁ ဦးရှိရာ စုစုပေါင်း ခြောက်ပေ သွပ် ၄၇၂ ချပ် ပျက်စီး ဆုံးရှုံးခဲ့ပြီး ပျက်စီး ဆုံးရှုံးမှု တန်ဖိုးမှာ ငွေကျပ် သိန်းပေါင်း ၁၁၀ ခန့်ဖြစ်ကြောင်း သိရသည်။
အဆိုပါ ပျက်စီးမှုများကို မေ ၃၀ ရက် နံနက် ၇ နာရီက ဒုတိယ မြို့နယ်အုပ်ချုပ်ရေးမှူး ဦးခွန်ကျော်သိန်း၊ မြို့နယ် အထောက်အကူပြု ဥက္ကဋ္ဌ ရပ်/ ကျေး အုပ်ချုပ်ရေးမှူးနှင့် လူမှုရေး အသင်းအဖွဲ့တို့ သွားရောက်၍ နေထိုင်ရေးအတွက် ကျေးရွာလူထုနှင့် ပူးပေါင်းပြီး နေအိမ်များကို ပြန်လည် ပြုပြင်ပေးခြင်း၊ ဆန် နှစ်အိတ်၊ ဆီတစ်ပုံး လှူဒါန်း ထောက်ပံ့ပေးခဲ့ကြောင်း သိရသည်။
MOI Webportal Myanmar
0 comments