သြဂုတ်လ ၂၁ ရက်နေ့က ရှမ်းပြည်ပြန်လည် ထူထောင်ရေးကောင်စီ ခေါင်းဆောင် ဗိုလ်ချုပ်ရွာစစ်၏ သဘောထား ထုတ်ဖေါ်ချက်ကို ကြားလိုက် ရသောအခါ လှိုင်းကြီးနေဆဲဖြစ်သည့် ပင်လယ်ပြင်ကို ဖြတ်ကျော်ရန် လှေအား တက်စုံရွက်စုံပြင်နေသည့် အချိန်တွင် တက်တချောင်းအား ရိုက်ချိုးလိုက် သလိုများဖြစ်သွားမလားဟု စဉ်းစားမိသည်။ ၄င်းက "ယူအင်န်အက်ဖ်စီ၏ ဆုံးဖြတ်ချက်ကို ကြိုဆိုသော်လည်း အချိန်စောလွန်းသေးကြောင်းနှင့် ယနေ့ တိုင်းပြည်အတွက် အရေးကြီးဆုံး လိုအပ်သောအရာမှာ အမျိုးသားပြန်လည် သင့်မြတ်ရေးနှင့် ငြိမ်းချမ်းရေး ဖြစ်ကြောင်း" ဖွင့်ဟ လိုက်သောကြောင့် ဖြစ်သည်။
ရှစ်လေးလုံး ငွေရတုအခန်းအနားတွင် "စစ်မှန်သော အမျိုးသားပြန်လည်သင့်မြတ်ရေး" ခေါင်းစဉ်နှင့် ဆွေးနွေးမှုများပြုလုပ်ခဲ့သည်။ ရှစ်လေးလုံး ငွေရတုအခန်းအနားတွင် "စစ်မှန်သော အမျိုးသားပြန်လည်သင့်မြတ်ရေး" ခေါင်းစဉ်နှင့် ဆွေးနွေးမှုများပြုလုပ်ခဲ့သည်။
ပြီးခဲ့သည့်လက တိုင်းရင်းသားလူမျိုးများ ဖက်ဒရယ်ကောင်စီ (ယူအင်န်အက်ဖ်စီ) မှ ကြီးမှုးကျင်းပခဲ့သည့် တိုင်းရင်းသားများ၏ညီလာခံကြီးတွင် ချမှတ်ခဲ့သည့် ဖက်ဒရယ်ပြည်ထောင်စု ဖွဲ့စည်းပုံအခြေခံဥပဒေ အသစ်တရပ် ရေးဆွဲသွားရေးနှင့် ဖက်ဒရယ်ပြည်ထောင်စု တပ်မတော်တည် ဆောက်ရေးတို့အား ၄င်းက ရည်ညွှန်းပြော ဆိုသွားခြင်းဖြစ်သည်။
လာပြန်ချေပြီ " အမျိးသား ပြန်လည်သင့်မြတ်ရေး" ဟိုနေရာမှာလဲ "အမျိးသား ပြန်လည်သင့် မြတ်ရေး" သည်နေရာမှာလဲ "အမျိးသား ပြန်လည်သင့်မြတ်ရေး" ဤဝေါဟာရ အားနိုင်ငံရေး ခေါင်းဆောင် အတော်များများက ရည်ညွှန်းပြောဆိုခဲ့ကြပြီးလည်း ဖြစ်သည်။ သို့ရာတွင် ဤသည်မှာ
မည်သည့်အရာဖြစ်သည်ကို အခြေခံလူထု နားလည်အောင် ပြည့်ပြည့်စုံစုံ ရှင်းလင်းဖွင့်ဆိုထားသည်ကို မကြားသိရသေးပါ။
"အမျိးသား ပြန်လည်သင့်မြတ်ရေး" နှင့် ဒေါ်အောင်ဆန်းစုကြည်
ပြီးခဲ့သည့် ရှစ်လေးလုံး ငွေရတုနေ့တွင် ဒေါ်အောင်ဆန်းစုကြည်က အမျိုးသားပြန်လည်သင့်မြတ်ရေးနှင့် ဆက်စပ်၍ အောက်ပါအတိုင်း ပြောကြားသွားခဲ့သည်။
"၁၉၈၈ ခုနှစ်တုံးက အမျိုးသားရင်ကြားစေ့ရေးဆိုတာ ပြည်သူနဲ့ တပ်မတော်အကြားမှာ အဆင်ပြေရေးလို့ စဉ်းစားခဲ့ကြတယ်။ အခုလဲ အဲသည်အတိုင်းစဉ်းစားကြရမယ်။ အဲဒီလို ရဲရဲဝံ့ဝံ့စဉ်းစားနိုင်မှ ရှေ့ကို ပြေပြေလည်လည်နဲ့ သွားနိုင်မှာဖြစ်တယ်။"
ဒေါ်အောင်ဆန်းစုကြည်၏ ဆိုလိုချက်အရ ပြည်သူနဲ့ တပ်မတော်အကြားမှာ အဆင်ပြေရေးသည်သာ အမျိုးသားပြန်လည်သင့်မြတ်ရေးဟူ၍ နားလည်ရမည်ကဲ့သို့ ဖြစ်သည်။ ဤသည်မှာ ကျဉ်းမြောင်းလွန်းရုံမကေ၀၀ါးနေသည်။ တိကျမှုမရှိ။ မည်သည့် အရာများအား အဆင်ပြအောင် လုပ်မည်မသိ။ အဆင်ပြေအောင် မည်သို့မည်ပုံ ဖေါ်ဆောင်သွားမည်ဟူသည့် လုပ်ငန်းစဉ်ဦးတည်ချက်နှင့် နည်းလမ်းကိုမတွေ့ရ။ မည်သည့်အချိန်၌ တရားဝင် နိဂုံးချုပ်မည်ကိုလည်း မကန့်သတ်။ သို့ဖြစ်ရာ မည်သို့သော အခြေအနေ အောက်တွင်ဖြစ်စေ "တပ်မတော်နှင့် ပြေလည်ရေး" ဟူသည်ကို မဖြစ်မနေ သားစဉ်မြေးဆက်လိုက်နာ ကျင့်သုံးရမည်ကဲ့သို့ ဖြစ်နေသည်။ "အမျိးသား ပြန်လည်သင့်မြတ်ရေး" သို့မဟုတ် "ရင်ကြားစေ့ရေး" ဟူသော လှပသည့်ဝေါဟာရ အောက်တွင် အတွေးအခေါ်မှားကို ဖြန့်် ဖြူးနေမှာ စိုးရိမ်မိသည်။
လူထုကို ဦးဆောင်ခွင့်ရနေသော ဒေါ်အောင်ဆန်းစုကြည်ကိုယ်တိုင်က အမျိုးသား ပြန်လည်သင့် မြတ်ရေးနှင့် စပ်လျှဉ်း၍ လူ့အခွင့်အရေးရှုဒေါင့်မှ အဓိကထားကာ ခိုင်မာတိကျသည့် အခြေခံမူတခုခုကို အသေအချာ မဆုပ်ကိုင် သေးခြင်းမှာ တကယ့်ပြဿနာဖြစ်နေသည်။
သို့ဖြစ်၍လက်တွေ့အရ "အမျိးသား ပြန်လည်သင့်မြတ်ရေး" ကို ဖေါ်ဆောင်ရာတွင် တပ်မတော်နှင့် ပြေလည်ရေး၊ တပ်မတော်၏ ငြိုငြင်မှုကို မခံရရေးမှာ လုပ်ငန်းစဉ်၏ ဦးတည်ချက်ကဲ့သို့ ဖြစ်သွားသည်။ အကျိုးဆက် အနေဖြင့် တပ်မတော် ဘာလုပ်လုပ် နုတ်ပိတ်နေရေးဘ၀သို့ ကျဆင်းသွားရတော့သည်။
ကြီးကောင် ကြီးမား အရွယ်ကြီးရောက်မှ စစ်ဗိုလ်ဟောင်းသစ်များ ကြီးစိုးလွှမ်းမိုးထားသည့် လွှတ်တော်အတွင်း ၄င်းတို့နှစ်သက်မှုရစေရန် ကကြခုန်ကြ လုပ်ဆောင်မှုမျိုးကသာ အဓိကလိုဖြစ်နေသည်။ စစ်ခေါင်းဆောင်များက ငြိုငြင်မည်ကို စိုးရိမ်သောကြောင့် ၂၀၀၈ ဖွဲ့စည်းပုံ၏ မည်သည့် အခြေခံကြောရိုးများအား ပြင်ကိုပြင်ရမည်၊ အနည်းဆုံးအားဖြင့် စစ်အစိုးရ ခေါင်းဆောင်ဟောင်းများ ကိုယ့်ကိုယ်ကို အကြွင်းမဲ့လွတ်ငြိမ်းချမ်းသာခွင့် (Blanket Amnesty) ပေးထားသည့် ပုဒ်မ ၄၄၅ အားဖျက်ကို ဖျက်ပစ်ရ မည်ဟူသော စကားလုံးကိုပင် မသုံးရဲတော့။ တပ်မတော်နေ့  အခမ်းအနားသွားတက်ပြီး "ငါတို့ တပ်မတော်ဟာ ဘယ်တုံးကမှ လူမျိုးတုံး သတ်ဖြတ်မှုတွေ၊ စစ်ရာဇ၀တ်မှုတွေ ကျူးလွန်ခဲ့တာ မဟုတ်ဘူး" ဟူ၍ ကြွေးကြော် ပြောဆိုနေသည့် မိန့်ခွန်းကို ဘုရားဟော အမှန်တရားသဖွယ်မှတ်ယူကာ ကုတ်ကုတ်ကလေး နားထောင်ခံယူခြင်းဖြင့်သာ ဇာတ်လမ်း ဆုံးသွားသည်။ အမျိုးသား ပြန်လည်သင့်မြတ်ရေးသည် အနှစ်သာရအရ ဝေလာဝေးပါသည်။
"အမျိးသား ပြန်လည်သင့်မြတ်ရေး" ဟူသည်မှာ အဘယ်နည်း။
"အမျိးသား ပြန်လည်သင့်မြတ်ရေး" ဟူသည့် ဝေါဟာရနှင့် အတွေးအခေါ်အား ဒီမိုကရေစီစနစ် တည်ဆောက်ကျင့်သုံးသည့် ဆင့်ရောက်သွားပြီးကြသည့် နိုင်ငံများတွင် မသုံးကြတော့ပါ။ သုံးစရာမလိုသော ကြောင့်ဖြစ်သည်။ လူ့အဖွဲ့အစည်းအတွင်း ပြဿနာဖြစ်လာလျှင် ဖြေရှင်းနိုင်သည့် တိုင်းပြည် အုပ်ချုပ်ရေး အဆောက်အအုံများ တည်ရှိနေပြီးဖြစ်သောကြောင့်ပင်။ ယင်းကို အာဏာရှင်စနစ်၏ အုပ်ချုပ်မှုအောက်မှ ဒီမိုကရေစီသို့ ပြောင်းလဲရန် ကြိုးပမ်းနေသော နိုင်ငံများတွင် ကျင့်သုံးခဲ့ကြခြင်းဖြစ်သည်။
ကမ္ဘာတွင် ၁၉၈၆ ခုနှစ်မှစ၍ ယနေ့ အချိန်အထိ အာဏာရှင်စနစ်အုပ်ချုပ်မှုအောက်မှ ဒီမိုကရေစီသို့ ပြောင်းလဲသွားကြသော နိုင်ပေါင်း လေးဆယ်နီးပါး ရှိခဲ့ပြီ။ ယင်းနိုင်ငံများအနက် အမြောက်အများတွင် အာဏာရှင် အုပ်ချုပ်မှုအောက်တွင် ဖြစ်ပွားကျူးလွန်ခဲ့သည့် လူ့အခွင့်အရေးချိုးဖေါက်မှုကြီးများအား မည်သို့အရေးယူ ကိုင်တွယ်သင့်သည်ဟူ၍ စဉ်းစားကြရာ၌ အမျိုးသားပြန်လည် သင့်မြတ်ရေးအား အယူအဆတရပ်အနေဖြင့် အဓိကကိုင်စွဲလာ ကြခြင်းဖြစ်သည်။
အာဏာရှင်များ အုပ်စိုးလျက်ရှိသော နိုင်ငံများသည် ဒီမိုကရေစီနိုင်ငံအဖြစ်သို့ တဖြည်းဖြည်း ပြောင်းလဲလာလျက် ရှိနေကြောင်းမျက်မှောက် ကမ္ဘာ့သမိုင်းက သက်သေပြနေသည်။ ယင်းသို့ ပြောင်းလဲရာတွင်လည်း နည်းမျိုးစုံသောလူထုတိုက်ပွဲများ၊ ဖိအားများ၊ အခြားပြည်တွင်းနှင့် နိုင်ငံတကာ အခြေအနေများ၊ တိုင်းပြည်စီးပွားရေးပြဿနာကို မဖြေရှင်းနိုင်မှုများက အာဏာရှင်များအနေဖြင့် အပြောင်း အလဲမလုပ်လျှင် မရနိုင်တော့သည့် အနေအထားကို ဖြစ်ပေါ်စေခဲ့သည်။
လက်တင်အမေရိက နိုင်ငံနှစ်ဆယ်ကျော်တွင် အာဏာသိမ်း၍တက်လာခဲ့ကြသော စစ်အစိုးရများက အစပိုင်းတွင် လူထုနိုင်ငံရေးသမားများကို အပုပ်ချခဲ့ကြသည်။ နိုင်ငံရေးသမားများသည် စည်းလုံးညီညွတ်မှုမရှိကြ၊ အချင်းချင်း အပြန်အလှန်ဝေဘန်ထောက်ပြ ငြင်းခုံနေကြခြင်းဖြင့် အချိန်ကုန်နေကြသည်၊ ၄င်းတို့ တပ်မတော်သည် တသွေး တသံ တမိန့်ဖြင့် စည်းလုံးတောင့်တင်းစွာ လည်ပတ်သော အဖွဲ့အစည်းဖြစ်သည်။
တိုင်းပြည်အာဏာကို ချုပ်ကိုင်၊ တိုင်းပြည်ဖွံ့ ဖြိုးရေးကို အကောင်အထည်ဖေါ်မည်ဆိုလျှင် ဆယ်စုနှစ်တခုအတွင်းမှာပင် တိုးတက်အောင်လုပ် ဆောင်နိုင်မည် ဖြစ်သည်၊ စသည်တို့ကို အကြောင်းပြကာ အာဏာရယူခဲ့ကြသည်။ လက်တွေ့တွင်မူ ၄င်းတို့ထင်သလို ဖြစ်မလာဘဲ တဘက်တွင် လူ့အခွင့်အရေး ချိုးဖေါက်မှုကြီးများအား ကျူးလွန်ကြ၊ အခြားတဘက်တွင် တိုင်းပြည်ကို ဆင်းရဲတွင်းနက်သည့် ဘ၀သို့တွန်းချခဲ့ကြသည်။
အာဏာရှင်များ အုပ်ချုပ်မှုအောက်၌ တိုင်းပြည်မှာ ဖွတ်ဖွတ်ကြေကာ လူတွေဘက်ပေါင်းစုံမှ အတိဒုက္ခရောက်နေ ခဲ့ကြသည်မှာ ကြာပြီဖြစ်သဖြင့် ၎င်းကို
အမြန်ဆုံးအဆုံးသတ်၍ အသစ်ပြန်စချင်ကြသည်။ ဤတွင် ၄င်းတို့ ကျူးလွန်ခဲ့ကြသည့် လူ့အခွင့်အရေး ချိုးဖေါက်မှုကြီးများနှင့် စပ်လျှဉ်း၍ သင့်တင့်လျှောက်ပတ်သည့် နည်းလမ်းများနှင့် အဖြေရှာထွက်ပေါက်ပေးကာ အာဏာရှင်များအား နိုင်ငံရေးအာဏာမှ ထွက်ခွာသွားစေလိုသည့် အဖွဲ့အစည်းများ၊ အင်အားစုများက "အမျိးသား ပြန်လည်သင့်မြတ်ရေး" ဟူသည့် နိုင်ငံရေးဝေါဟာရနှင့် အယူအဆကို ကိုင်စွဲခဲ့ကြခြင်း ဖြစ်သည်။
"အမျိးသား ပြန်လည်သင့်မြတ်ရေး" အတွက်တရားဝင်လုပ်ဆောင်မှုမှာ အဘယ်နည်း။
တပ်မတော်နှင့် ပြေလည်ရေးကိုမစဉ်းစားရဟု ကန့်ကွက်နေခြင်းမဟုတ်။
(၁) စဉ်းစားပုံ၊ စဉ်းစားနည်း၊ ချဉ်းကပ်ပုံ ချဉ်းကပ်နည်း မပြည့်စုံခြင်းကို ဆိုလိုသည်။ "အမျိးသား ပြန်လည်သင့်မြတ်ရေး" ဟူသောခေါင်းစဉ် အောက်တွင် နိုင်ငံရေးအင်အားစုများအားလုံး၊ တိုင်းပြည်အဆောက်အအုံ များအားလုံးအကြုံးဝင်အောင် စဉ်းစားရန် လိုပါမည်။
(၂) အထူးပြုအာရုံထားရမည့် နယ်ပယ် ရေရေရာရာမရှိခြင်းကို ရည်ညွှန်းသည်။ တပ်မတော်က နိုင်ငံတော် အာဏာကို ရယူအုပ်ချုပ်ခဲ့သည့် ကာလအတွင်း ဖြစ်ပွားခဲ့ပြီးသမျှ လူ့အခွင့်အရေး ချိုးဖေါက်မှုကြီးများ အပေါ်မည်သို့ ကိုင်တွယ်ဖြေရှင်းသင့်ကြောင်း အဓိကအားဖြင့် နည်းလမ်းရှာခြင်း မျိုးဖြစ်ရပါမည်။ ထို့အပြင် သမိုင်းသင်္ခန်းစာများ ရယူနိုင်ရန် အဖြေရှာခြင်းမျိုးလည်း ဖြစ်ရပါမည်။
(၃) ကာလ အကန့်အသတ် တိကျမှုမရှိခြင်းကို ထောက်ပြသည်။ "အမျိးသား ပြန်လည်သင့်မြတ်ရေး" အခြေခံမှ စဉ်းစားသည့် ကာလအား ၁၉၆၂ ခုနှစ် မတ်လ (၂) ရက် စစ်တပ်အာဏာသိမ်းခဲ့သည့် နေ့မှနေ၍ မျက်မှောက်ကာလ (တရားဝင်သတ်မှတ်သည့် နေ့တနေ့နေ့ )အထိ ဖြစ်ရပါမည်။ ယခုအချိန်အထိမူ တရားဝင် သတ်မှတ်စတင်ခြင်း မရှိသေးကြောင်း တွေ့ရသည်။ တောင်အာဖရိကတွင် ၁၉၆၀ ခုနှစ် မတ်လ (၁) ရက်နေ့မှ ၁၉၉၃ ခုနှစ် ဒီဇင်္ဘာလ (၆) ရက်နေ့ အထိသတ်မှတ်ခဲ့သည်။
"အမျိးသား ပြန်လည်သင့်မြတ်ရေး" အတွက် လုပ်ဆောင်နေသည်ဟု ပုဂ္ဂိုလ်တစ်ဦး သို့မဟုတ် လူတစု သို့မဟုတ် အဖွဲ့အစည်းတခုက ဆိုပါလျှင် ယင်းကို တန်ဘိုးထားရပါမည်။ သို့ရာတွင် လူ့အခွင့်အရေး အခြေခံ၌ တတိုင်းပြည်လုံးလွှမ်းခြုံစေပြီး တိကျသော ကာလအကန့် အသတ်ကိုသတ်မှတ်၊ ရှင်းလင်းသော လုပ်ငန်းစဉ်နှင့်အတူ လက်ရှိအာဏာယူထားသော အစိုးရက ကြေငြာလုပ်ဆောင်မှုမပြုသမျှ တရားဝင်စတင်လုပ် ဆောင်နေပြီဟု မဆိုနိုင်ပါ။ "အမျိးသား ပြန် လည်သင့်မြတ်ရေး" သည် မစသေးပါ။
"အမျိးသား ပြန်လည်သင့်မြတ်ရေး" အခြေခံမှ တပ်မတော်ကို မည်သို့ ချဉ်းကပ်မည်နည်း။
တပ်မတော်နှင့် ပတ်သက်၍ မည်သို့ ကိုင်တွယ်သင့်ကြောင်းကိုမူ မဖြစ်မနေစဉ်းစားရပါမည်။ ၁၉၆၂ ခုနှစ်တွင် ဗိုလ်ချုပ်နေ၀င်းနှင့် ဖေါက်ပြန်သည့်
တပ်မတော် ခေါင်းဆောင်များအောက်၌ တပ်မတော် တစ်ရပ်လုံးကို အသုံးချခံခဲ့ရ၊ အကျိုးဆက်အနေဖြင့် တစ်ပြည်လုံးဆင်းရဲတွင်းနက်၊ အတိဒုက္ခရောက်ခဲ့ကြသည်မှာ နှစ်ပေါင်း ၅၀ ကျော်ခဲ့ပြီ ဖြစ်ခြင်းကြောင့်ပင်။ "ဖက်ဒရယ်မူကို ခွဲထွက်ရေးကြိုးပမ်းမှုအဖြစ် လက်ညှိုးထိုးကာ ပြည်ထောင်စု မပြိုကွဲရေးအတွက် တိုင်းပြည်အာဏာသိမ်းလိုက်ရသည်၊ တိုင်းပြည်ချောက်ထဲကျခါနီး လက်တကမ်းအလိုတွင် ကယ်တင်လိုက်ရသည်" ဟူ၍ အကြောင်းပြခဲ့သည်။ ယင်းမှာ နိုင်ငံရေးအရ ကြီးမားလှစွာသောအမှားကို ကျူးလွန်ခဲ့ခြင်း ဖြစ်ကြောင်း လွှတ်တော် ဥက္ကဌ သူရဦးရွှေမန်းအပါအ၀င် လက်ရှိ အာဏာပိုင်များက သွယ်ဝိုက် ၀န်ခံလာကြရပြီ။ တိုင်းရင်းသားများ တောင်းဆိုနေသည့် ဖက်ဒရယ်ဟူသည်မှာ ရသင့်ရထိုက်သော နိုင်ငံရေးအခွင့်အရေး ဖြစ်ကြောင်း ယနေ့ အချိန်တွင် ၄င်းတို့ ကိုယ်တိုင် ပြောဆိုလာနေကြသောကြောင့်ပင်။
ယင်းအတွက် တာဝန်ရှိမှုကို ရှာဖွေရပါမည်။ ပြည်ဖုံးကား ချထား၍မရပါ။ အဘယ်ကြောင့် ဆိုသော် မမှန်ကန်သည့် အာဏာသိမ်းမှုအကြောင်းပြချက်ကို ဆုပ်ကိုင်ကာ ၁၉၆၂ ခုနှစ်မှစ၍ (ဆဲဗင်းဇူလိုင်မှစကာ) အပြစ်မဲ့ ကျောင်းသားများနှင့် အခြားတိုင်းရင်းသား လူထုများအပေါ် ရက်စက်စွာ ဖိနှိပ်အုပ်ချုပ်ခဲ့၊ လူ့အခွင့်အရေး ချိုးဖေါက်မှုကြီးများ ဆက်တိုက်ကျူးလွန်ခဲ့ခြင်းကြောင့်ဖြစ်သည်။ အရှေ့တောင်အာရှ၏ အချမ်းသာဆုံး နိုင်ငံစာရင်းဝင်အဖြစ်မှ ကမ္ဘာ့ အဆင်းရဲဆုံး နိုင်ငံများစာရင်းဝင် ဘ၀သို့ ကျရောက်သွားအောင် ချောက်ထဲသို့ တွန်းချခဲ့ခြင်းကြောင့်ဖြစ်သည်။ ဤတွင် စစ်ခေါင်းဆောင် အဆက်ဆက်၏ တာဝန်ရှိမှုသည် အဘယ်နည်း။
ဤသည်တို့ကို ပြန်လည်ဖေါ်ထုတ်၊ သုံးသပ်အဖြေရှာ၊ အရေးယူတန်တာယူ၊ ခွင့်လွှတ်တန်တာခွင့်လွှတ်၊ ခံခဲ့ရသူများအား ကုစားမှုပြုစရာရှိတာပြု၊ နောင်ဤကဲ့သို့ အဖြစ်ဆိုးမျိုး မကြုံတွေ့ နိုင်စေရေးအတွက် တိုင်းပြည် အဆောက်အအုံများ၊ တပ်မတော်အပါအ၀င် တိုင်းပြည်လုံခြုံရေး အဖွဲ့ အစည်းများကို ပြန်လည်ပြုပြင်ဖွဲ့စည်း အစရှိသည်တို့ကို လုပ် ဆောင်ရပါမည်။ နောက်ဆုံးတွင် လူ့အဖွဲ့ အစည်းအဟောင်း အောက်တွင် ဖြစ်ပွားတည်ရှိခဲ့သည့် အမုန်းများ၊ သံသယများ၊ အာဃာတများကို သင်ပုန်းချေလိုက်ပြီဖြစ်ကြောင်း ကြေငြာခြင်းဖြင့် "အမျိးသား ပြန်လည် သင့်မြတ်ရေး" လုပ်ငန်းစဉ်ကို တရားဝင်အဆုံးသတ်ရပါမည်။
သို့မှသာ စစ်မှန်သည့် အမျိုးသားပြန်လည် သင့်မြတ်ရေးသို့ ဦးတည်သည့် လမ်းကြောင်းဖြစ် ပါမည်။ ယင်းသို့ မဟုတ်ဘဲ ဖြစ်ခဲ့သမျှအ၀၀ကို မေ့ပျောက်ထား၊ ပြည်ဖုံးကားချထားပြီး ၄င်းတို့နှင့် တွဲကနေရုံမျှနှင့် အမျိုးသား ပြန်လည်သင့်မြတ်ရေး ရနိုင်ဘွယ်မရှိပါ။
ဗိုလ်ချုပ်အောင်ဆန်းတည်ထောင်ခဲ့သော တပ်မတော်သည် အာဏာမက်စစ်ခေါင်းဆောင် တစ်စုကြောင့် ၁၉၆၂ ခုနှစ်မှစ၍ အနှစ်သာရအားဖြင့်
ပြောင်းသွားခဲ့ပြီ။ တိုင်းပြည်ကို ကာကွယ်လိုသည့် စေတနာရိုးဖြင့် လုပ်ဆောင်လိုသည့် တပ်မှုးတပ်သားများလည်း တပ်မတော် အတွင်းတွင်ရှိပါမည်။ သို့ရာတွင် တပ်မတော်မှာမူ ရောဂါ စွဲကပ်နေပြီဟု မြင်ရန်လိုသည်။ နိုင်ငံရေးအာဏာကို တပ်မက်ခြင်းတည်းဟူသော ရောဂါဖြစ်သည်။ ယင်းမှာ ကင်ဆာသဘွယ် အမြစ်တွယ်နေသည်။ ယင်းရောဂါကို မကုစားနိုင်သမျှ "အမျိးသား ပြန် လည်သင့်မြတ်ရေး" အတွက် အကျိုးမရှိသလို တပ်မတော် အတွက်လည်း မကောင်းပါ။ အခြားသူများကုစားသည်ကို မစောင့်ဘဲ လက်ရှိ တပ်မတော်ခေါင်း ဆောင်များကိုယ်တိုင်က ကုစားရန်လိုသည်။ ဓါတ်မီးကင်၍ ရလျှင်ရ၊ မရလျှင် ကင်ဆာ ဖြစ်ပွားနေသော အသားကို လှီးထုတ်ပစ်ရုံသာ ရှိတော့သည်။ ကင်ဆာကို ပေ့ါပေါ့မမှတ်သင့်ပါ။ ထိရောက်စွာ မကုစားလျှင် ရောဂါဆိုးကြီးမှာ တပ်မတော် တခုလုံးကို ပျံ့နှံ့ကာ ထိခိုက်ပျက်စီး သွားနိုင်သည်။
"အမျိးသား ပြန် လည်သင့်မြတ်ရေး" လုပ်ငန်းစဉ်၏ အစိပ်အပိုင်းတရပ်အနေဖြင့် အတိတ်က ဖြစ်ရပ်များကို ပြည်လည်ဖေါ်ထုတ်၊ သုံးသပ်၊ အဖြေရှာခြင်း သည် တပ်မတော်တွင်စွဲကပ်နေသော ကင်ဆာအား ကုစားရာ၌ အထောက်အပံ့ဖြစ်စေမည်ဟု လက်ရှိစစ်ခေါင်းဆောင်များကိုယ်တိုင် လက်ခံရန် လိုပါမည်။
မြန်မာနိုင်ငံတွင် "အမျိးသား ပြန် လည်သင့်မြတ်ရေး" ကို ဘယ်လမ်းကြောင်းကနေ ချဉ်းကပ်နေသလဲ။
မကြာသေးမီ ရက်ပိုင်းကပင် ဒီမိုကရက်တစ်မြန်မာ့အသံ ရုပ်မြင်သံကြားမှနေ၍ "အမျိးသား ပြန်လည် သင့်မြတ်ရေး" အစီအစဉ်တစ်ခုကို ထုတ်လွှင့်သွားခဲ့သည်။ စစ်အာဏာရှင်များ လက်ထက်က နာကျင်ခံစားခဲ့ရမှုများနှင့် စပ်လျှဉ်း၍ ခွင့်လွှတ်သင့်မသင့်၊ မေ့ပျောက်၍ရမရဟူသော ခေါင်းစဉ်နှင့် ဆွေးနွေးခန်းဖြစ်သည်။ ယင်းတွင် ဗမာနိုင်ငံလုံးဆိုင်ရာ ကျောင်းသားသမဂ္ဂများ ဥက္ကဌ ကိုကျော်ကိုကိုက မတရားဖမ်းဆီးချုပ် နှောင်မှု၊ ညှင်းပမ်း နှိပ်စက်မှုများရှိခဲ့သဖြင့် ဤပြစ်မှုကျူးလွန်သူများအနေဖြင့် ထိုက်တန်သည့် အပြစ်ပေးမှု ရရှိခံစားသင့်သည်၊ ယင်းပြစ်မှု ကျူးလွန်မှုများအား
ခွင့်လွှတ်မေ့ပျောက်ရန် မည်သို့ မျှ မလွယ်ကူကြောင်း ပြောကြားသွားခဲ့ သည်။ ခွင့်လွှတ်မေ့ပျောက်၍ မရနိုင်လျှင် အမျိုးသားပြန်လည်သင့်မြတ်ရေး
ရနိုင်ပါမည်လား ဟူသော မေးခွန်းကို ၄င်းက ပြစ်မှုများနှင့် စပ်လျှဉ်း၍ ကျူးလွန်သူများကို တရားစွဲဆိုအရေးယူရကြောင်း၊ သို့မဟုတ် ပြန်လည် စစ်ဆေး သုံးသပ်တစုံတရာ အရေးယူဆောင်ရွက်ခြင်း ရှိရကြောင်း၊ တရားမျှတရေး ဆောင်ရွက်မှုမပါဘဲ အမျိုးသား ရင်ကြားစေ့ရေး မဖြစ်နိုင်ကြောင်း ဖြေဆိုခဲ့သည်။
အလားတူပင် ရန်ကုန်နိုင်ငံရေး သိပ္ပံကျောင်းတည်ထောင်သူ တဦးဖြစ်သည့် မဇင်မာအောင်ကလည်း မေ့လို့ မရနိုင်ကြောင်း၊ မေ့လို့ရရင်
သမိုင်းဆိုတာလဲ ရှိမှာ မဟုတ်ကြောင်း၊ မေ့ဖို့လဲမသင့်ကြောင်း၊ မေ့သင့်တယ်လို့ ပြောရင်လည်း ဒါဟာ အစစ်အမှန်မဟုတ်နိုင်ကြောင်း၊ အမှန်ဖြစ်ခဲ့တာတွေကို နောက်မျိုးဆက်များအား ပြန်မပြောနိုင်လျှင် ကျမတို့ကိုယ်တိုင် တရားခံစာရင်းထဲမှာ ပါသွားနိုင်ကြောင်း၊ ပြစ်ကျူးလွန်ခဲ့သူများက
ကျူးလွန်ခဲ့မိပါပြီ၊ မှားခဲ့မိပါပြီဟု ပြောမှသာ ခွင့်လွှတ်မလား မလွှတ်ဘူးလား စဉ်းစားကြရမည့် ကိစ္စဖြစ်ကြောင်း၊ ပြောကြားသွားခဲ့သည်။ ကိုကျော်ကိုကိုနှင့် မဇင်မာအောင်တို့ ၏ပြောဆိုမှုများကို ကြားလိုက်ရသောအခါ များစွာအားတက် ဂုဏ်ယူမိသည်။ လူ့ အဖွဲ့အစည်း တရားမျှတမှုရရှိစေရန် ခိုင်မာသည့် ရပ်တည်ချက်အပေါ်အခြေခံကာ ရှင်းရှင်းစဉ်းစား နိုင်စွမ်းရှိသော ကျောင်းသား လူငယ်ခေါင်းဆောင်များ ရှိနေကြသေးကြောင်း သိလိုက်ရ၍ဖြစ်သည်။
အမျိုးသား လွှတ်တော်ကိုယ်စားလှယ် ဦးလှဆွေကို ဒီဗွီဘီက မေးမြန်းသောအခါ ၄င်းက " ရှစ်ဆယ့် ရှစ်သာမက ၁၉၆၂ ဆဲဗင်းဇူလိုင်၊ ၁၉၇၄၊ ၁၉၇၆
အရေးအခင်း စသဖြင့် ဒါတွေကို မေ့ပျောက်ဖို့မသင့်ဘူး။ ဒါပေမယ့် ဒါကြီးကို ပြန်ပြန်အစဖေါ်နေမယ်ဆိုရင် အသွင်ကူးပြောင်းရေးနဲ့ အမျိုးသားပြန်လည် သင့်မြတ်ရေးမှာ နှောင့်နှေးမယ်။ နိုင်ငံကြီးသား ပီသဖို့လိုနေပြီ။ တော်လှန်ရေးနေ့ ရောက်တိုင်း ဖက်ဆစ်တွေဟာတို့ နိုင်ငံကိုအုပ်ချုပ် ခဲ့တယ်လို့ပဲ ပြောတယ်။ လက်သဲခွန်ခွာ ရေနွေးပူလောင်းခဲ့တဲ့ ဂျပန်တွေကို မုန်းတယ်ဆိုတာ ပြောစရာမလိုတော့ဘူး။ ဒါတောင်မှ သင်ပုန်းချေလို့ရတယ်။ ဗီယက်နမ်မှာ အမေရိကန်က ဗုံးကြဲခဲ့ပေမယ့် ဒီကနေ့ ဗီယက်နမ်နဲ့ အမေရိကန် ပေါင်းတာဘဲ။ ဟီရိုရှီးမားနဲ့ နာဂါစကီကို ဗုံးကြဲခဲ့ပေမယ့် ဒီကနေ့ ဂျပန်နဲ့ အမေရိကန်ပေါင်းတာဘဲ။" ဟု ပြောခဲ့သည်။
အသွင်ကူးပြောင်းရေးနဲ့ အမျိုးသားပြန်လည်သင့်မြတ်ရေးကို ရည်ညွှန်းပြီး ဦးလှဆွေပေးသည့် ဥပမာများမှာ တက်တက်စင်လွဲနေပါသည်။ ၄င်း ဝေါဟာရများ၊ အတွေးအခေါ်များနှင့် လက်တွေ့ လုပ်ဆောင်မှုများမှာ သက်ဆိုင်ရာ နိုင်ငံတခုအတွင်း၌ ၄င်းနိုင်ငံ၏ အစိုးရများက နိုင်ငံသားများအပေါ်ကျူးလွန်ခဲ့သောပြစ်မှုကြီးများနှင့် စပ် လျှဉ်း၍သာ အဓိကထား စဉ်းစားကြခြင်းဖြစ်သည်။ နိုင်ငံတကာ ဆက်ဆန်ရေးနှင့် မဆိုင်ပါ။ နိုင်ငံတစ်နိုင်ငံ၏ စစ်တပ်များ က အခြားနိုင်ငံတစ်နိုင်ငံ၏ နိုင်ငံသားများ အပေါ် ကျူးလွန်မှုများနှင့် စပ်လျှဉ်း၍ အသွင်ကူးပြောင်းရေးနဲ့ အမျိုးသားပြန်လည် သင့်မြတ်ရေးဟူသည့် အခြေခံမှနေ၍ စဉ်းစားဆောင်ရွက်မှုမျိုးကို ကမ္ဘာ့ သမိုင်းတွင် မတွေ့နိုင်ပါ။ ယင်းသို့  ကျူးလွန်မှုများအပေါ် အရေးယူဆောင် ရွက်ရာ၌ ဒုတိယ ကမ္ဘာစစ်ကြီးအပြီးတွင် ဖွဲ့စည်းခဲ့သော တိုကျိုနှင့် နျူရင်းဘတ် စစ်ခုံရုံးများကိုသာ တွေ့နိုင်ပါသည်။ ကိုကျော်ကိုကိုကလည်း ဦးလှဆွေအား အောက်ပါအတိုင်း ထိထိမိမိ တုန့်ပြန်သွားခဲ့သည်။ လူငယ်လေးပင် ရှိသေးသော်လည်း စဉ်းစားသုံးသပ်နိုင်စွမ်း သေးသူမဟုတ်ပါ။
"ကျွန်တော်တို့က လူမျိုးကိုမမုန်းတည်းဘူး။ ၀ါဒကို မကြိုက်တာဖြစ်တယ်။ ဖက်ဆစ်ဂျပန်ကို မျိုးချစ် တော်လှန်ရေးတပ်သားတွေက မြန်မာ့မြေကနေ မောင်းထုတ်လိုက်ပြီးတဲ့နောက်၊ ဂျပန်က ဖက်ဆစ်စနစ်ကို စွန့်လွှတ်လိုက်ပြီးမှ ဂျပန်နဲ့ ပြန်လည်ဆက်ဆန်တာဖြစ်တယ်။ ဗီယက်နမ်က အမေရိကန်ကို
တွန်းလှန် အောင်ပွဲရပြီးတော့မှ အမေရိကန်နဲ့  ပြန်လည်ဆက်ဆန်တာဖြစ်တယ်။ အတိတ်ကိုမှန်ကန်တဲ့ ကောက်ချက်ချဘို့ လိုလိမ့်မယ်။"
ဤ ဒီဗွီဘီ ရုပ်သံ ဆွေးနွေးပွဲတွင် ဦးလှဆွေကို တစုံတရာ အသိအမှတ်ပြုရမလို ဖြစ်နေသည်။ စစ်အာဏာရှင်စနစ်နှင့် အနည်းနဲ့အများ ပတ်သက်ခဲ့သူများအားလုံးက ဖြစ်ပွားကျူးလွန်ခဲ့သည့်ပြစ်မှုကြီးများနှင့် စပ်လျှဉ်း ၍ ပြည်ဖုံးကားချကာ မေ့ခြင်ယောင် ဆောင်နေကြသည့်အချိန်တွင် "မမေ့ပျောက်သင့်ဘူး။ မြို့တိုင်းမှာ ကဗျည်း ကျောက်စာတိုင်တွေတော့ ရှိသင့်တယ်။" ဟူသော စကားလုံးကို ၀န်ခံပြောကြားသူမှာ ၄င်းတဦးတည်းသာ ရှိသေး သောကြောင့်ပင်။
မကြာလှသည့် တနေ့နေ့တွင်တော့ ကြီးမားလှသော လူထုနှင့် နိုင်ငံတကာတို့၏ ဖိအားအောက်တွင် မမေ့ပျောက်ရုံသာမက ထိုက်သည့်အားလျော်စွာ အရေးယူဆောင်ရွက်သည့် လုပ်ငန်းစဉ်များပေါ်လာပြီး စစ်မှန်သည့် "အမျိးသား ပြန် လည်သင့်မြတ်ရေး" သည် အမှန်တကယ် အသက်ဝင်လာ လိမ့်မည်ဟု စာရေးသူ ယုံကြည် သည်။ ယနေ့ အချိန်အထိမူ ဘာတခုမှကို မစရသေး၊ မည်သို့ ဖေါ်ဆောင်သင့်ကြောင်း ငြင်းခုံဆွေးနွေးမှုမှာပင်
လူထု အကြား၌ အားမကောင်းသေး၊ အစိုးရအာဏာပိုင်များနှင့် နိုင်ငံရေးခေါင်းဆောင်များကမူ "အမျိးသား ပြန် လည်သင့် မြတ်ရေး" ဟူသောခေါင်းစဉ် အောက်တွင် ဖြစ်ပြီးခဲ့သမျှများအား ပြည်ဖုံးကားချထား၊ မေ့ထားဆဲ ရှိနေသေးသည်။ အမှန်တရား ပေါ်အောင် ပြန်လည်ဖေါ်ထုတ်သည့် အစီအစဉ်ပင် ဘာတခုမျှ ဆောင်ရွက်ခြင်းမရှိသေး။ ယင်းအချိန်တွင် ဗိုလ်ချုပ် ရွာစစ်က " ယနေ့ တိုင်းပြည်အတွက် အရေးကြီးဆုံး လိုအပ်သောအရာမှာ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေးဖြစ်သည်" ဟု မြွက်ဟလာခြင်းဖြစ်သည်။
ဗိုလ်ချုပ်ရွာစစ်ရည်ညွှန်းသည့် "အမျိးသား ပြန်လည်သင့်မြတ်ရေး" သည် အဘယ်အရာနည်း။
"အမျိးသား ပြန်လည်သင့်မြတ်ရေး" မှာ အရေးကြီးကြောင်း မည်သူမျှမငြင်းပါ။ သို့ရာတွင် "အမျိးသား ပြန်လည်သင့်မြတ်ရေး" ကို ဦးတည်သောလုပ်ငန်း
ဘာတခုမှမစတင်ရသေးခြင်းမှာ ပြသနာဖြစ်နေသည်။ "အမျိးသား ပြန်လည်သင့်မြတ်ရေး" ကို တတွတ်တွတ် ရွတ်ဆိုလျှက် ဖြစ်ပြီးခဲ့သမျှ များအား ပြည်ဖုံးကားချထား၊ မေ့ထားခြင်းမှာ ပို၍ကြီးမားသော ပြသနာဖြစ်နေသည်။ ဘာတခုမှ စတင်လုပ်ဆောင်မှု မပြုသေးသည့် "အမျိးသား ပြန်လည်သင့်မြတ် ရေး" ဟူသည့် အရာကို လက်ညှိုးထိုး ကာ ဗိုလ်ချုပ်ရွာစစ်က ဖက်ဒရယ်ပြည်ထောင်စု ဖွဲ့ စည်းပုံအခြေခံဥပဒေသစ် တရပ်ရေးဆွဲရေးအား စောလွန်းနေသည် ဟု ပြောခြင်းမှာ သဘာဝမကျပါ။ တိုင်းရင်းသား အဖွဲ့ အစည်းများအားလုံး ပြိုင်တူတွန်းလျှင် ရွေ့ တော့မည့် အနေ
အထားရောက်နေသည့် အချိန်တွင် ဗိုလ်ချုပ်ရွာစစ်သည် အဘယ်ကြောင့် နောက်ပြန်ဆွဲသည့် သဘော သက်ရောက် စေသည့် စကားလုံးကို သုံးပါသနည်း။
လူ့ အခွင့်အရေးအပေါ်တွင်အခြေခံသည့် စစ်မှန်သည့် "အမျိးသား ပြန်လည်သင့်မြတ်ရေး" လမ်း ကြောင်းကို ဗိုလ်ချုပ်ရွာစစ်အပါအ၀င် ရှမ်းခေါင်း ဆောင်များ ပြန်လည်သုံးသပ်သင့်သည်။ ၁၉၈၈ ခုနှစ်အာဏာ သိမ်း ပြီးနောက်ပိုင်း မြန် မာစစ်တပ်က ရှမ်းအမျိုးသမီးကလေးများအား မုဒိန်းကျင့်ခဲ့သည့် မှုခင်းများကို စုဆောင်းကာ ထုတ်ပြန်ခဲ့သည့် "မုဒိန်း ကျင့်ခွင့်လိုင်စင်" စာအုပ်မှာ ကမ္ဘာသို့ ပေါက်သွားခဲ့သည်။
မြန်မာနိုင်ငံအတွင်း အထူးသဖြင့် တိုင်းရင်းသားဒေသများ၌ စစ်အာဏာရှင်များကျူးလွန်ခဲ့သည့် လူသားဖြစ်မှုကို ဆန့်ကျင်သည့်ပြစ်မှု၊ စစ်ရာဇ၀တ်မှုတို့နှင့် စပ်လျှဉ်း၍ နိုင်ငံတကာက အရေးယူဆောင်ရွက်ရန် လှုပ်ရှားမှု အားကောင်းလာသည့် အချိန်တွင် ရှမ်းပြည် ပြန်လည် ထူထောင်ရေးကောင်စီ ဥက္ကဌ အနေဖြင့် ဗိုလ်ချုပ်ရွာ စစ်ကိုယ်တိုင် ထောက်ခံလက်မှတ် ရေးထိုးထားခဲ့သည့်စာအား ကုလသမဂ္ဂသို့  ၂၀၁၀ ခုနှစ် သြဂုတ်လအတွင်းက ပေးပို့ခဲ့သည်ကို ပြန်လည်သတိရသင့်သည်။ လူ့ အခွင့်အရေးနှင့် ဥပဒေစိုးမိုးရေးအခြေခံမှနေ၍ အမျိုးသားပြန်လည်သင့် မြတ်ရေးကို ချဉ်းကပ်နိုင်ရန်မှာ ၂၀၀၈ ဖွဲ့စည်းပုံအခြေခံဥပဒေ အောက်တွင် မဖြစ်နိုင်ပါ။ ပုဒ်မ ၄၄၅ အရ စစ်ခေါင်း ဆောင်များကိုယ်တိုင်က ကိုယ့်ကိုယ်ကို အကြွင်းမဲ့လွတ်ငြိမ်းချမ်းသာခွင့် ပေးထားပြီးဖြစ်သောကြောင့်ပင်။ စစ်မှန်သည့် "အမျိးသား ပြန်လည်သင့်မြတ်ရေး" ကို လိုခြင်သည်ဟု ဆိုလျှင် ဖေါ်ဆောင်ရမည့် လမ်းကြောင်းကို ဖက်ဒရယ် ဖွဲ့ စည်း ပုံ အခြေခံဥပဒေသစ်တွင် ထည့်သွင်းပြဌာန်းရပါမည်။
"ငြိမ်းချမ်းရေး" ကို မည်သို့ ချဉ်းကပ်မည်နည်း။
၂၀၀၈ ခုနှစ် ဖွဲ့ စည်းပုံ အခြေခံဥပဒေအောက်တွင် မည်သည့်အခါတွင်မျှ စစ်မှန်သည့် ငြိမ်းချမ်းရေး မရနိုင်ပါ။ အကျဉ်းချုပ် ငါးချက်မျှသာထောက်ပြပါမည်။ ပထမ အချက်မှာ မြန်မာပြည်နယ် မဟုတ်ဘဲ တိုင်း များ ဖွဲ့စည်းထားမှုမှာတန်းတူရေး အခြေခံကို မဖေါ်ဆောင်ပါ။ ဒုတိယ အချက်မှာ ရွေးကောက်ပွဲ ကော်မရှင် ဖွဲ့ စည်းမှုနှင့် ရွေးကောက်ပွဲဆိုင်ရာဥပဒေများအရ စစ်အာဏာရှင်စနစ် နှင့် ပူးပေါင်းဆောင်ရွက်လို သည့် တိုင်းရင်းသားများသာ ပြည်နယ်များ၌
ရွေးချယ်တင်မြှောက်ခွင့်ရစေမည့် အနေအထားကို စီစဉ်တကျ ဖန်တည်းထားသောကြောင့်ဖြစ်သည်။
တတိယအချက်မှာ သဘာဝသယံဇာတ အရင်းအမြစ်များ ခွဲဝေမှုမမျှတရုံသာမက ဘဏ္ဍာရေး ကော်မရှင် ဖွဲ့စည်းမှုအရ ဗဟိုအစိုးရက ထင်သလိုစီမံခန့် ခွဲခွင့်ရနေ၊ ၂၀၁၁ ခုနှစ် အထူးရံပုံငွေဥပဒေအရ တိုင်းပြည် ဘဏ္ဍာ ကို စစ်တပ်က ထင်သလို သုံးခွင့်ရနေသောကြောင့်ဖြစ်သည်။ စတုတ္ထအချက်မှာ တရားရုံးများ ဖွဲ့စည်းတည်ရှိမှု အနေ အထားအရ ပြသနာကြီးများအား နောက်ဆုံးငြိမ်းချမ်းစွာဖြေရှင်းနိုင်ရေးအတွက် ပြည်နယ်များ အားလုံးက ယုံကြည်အားကိုးနိုင်လောက်သည့် တရားစီရင်ရေးစနစ်ကို တည်ဆောက်မထားခြင်းဖြစ်သည်။ ပဉ္စမနှင့် အရေးအကြီးဆုံး အချက်မှာ လူမျိုးကြီးဝါဒကို ကျင့်သုံးထားသည့် တလက်ကိုင် တပ်မတော် တရပ်တည်းသာ တည်ရှိစေမည်ဖြစ်ပြီး ပြည်ထောင်စု တပ်မတော် ဖွဲ့စည်းရန် လုံးဝမဖြစ်နိုင်ခြင်းပင်။
ဤအခြေအနေများအောက်တွင် ဗိုလ်ချုပ်ရွာစစ်သည် ငြိမ်းချမ်းရေးကို မည်သို့ ရှာဖွေပါမည်နည်း။ အပစ်အခတ်ရပ်စဲရေးကို လက်မှတ်ထိုးထားပါလျှက်
ရှမ်းပြည်မြောက်ပိုင်းတွင် တိုက်ပွဲများ ဆက်ဖြစ်နေခဲ့သည်ကို လည်း လက်တွေ့ သုံးသပ်နိုင်သည်။ ငြိမ်းချမ်းရေးရရန်အခြေခံမှာ ဖက်ဒရယ် ပြည်ထောင်စု ဖွဲ့စည်းပုံဥပဒေသစ် တရပ်ကို ရေးဆွဲ အတည်ပြု ကျင့်သုံးခြင်းမှတပါး အခြားမရှိပါ။
ဖက်ဒရယ်နှင့် ရှစ်လေးလုံး အတွေ့အကြုံ
စာရေးသူသည် ရှမ်းမဟုတ်ပါ။ မြန်မာ အမျိုးသားတဦးသာဖြစ်သည်။ ရှမ်းပြည်နယ် တောင်ကြီးမြို့တွင် နှစ်တချို့အခြေချ နေထိုင်ခဲ့စဉ်အတွင်း ရှစ်လေးလုံး အရေးတော်ပုံဖြစ်ပွားခဲ့ရာ ဗဟိုသပိတ်ကော်မတီတွင် တွဲဘက်အထွေထွေ အတွင်းရေးမှုးအဖြစ်တာဝန်ယူခဲ့သည်။ အထွေထွေ အတွင်းရေးမှုးမှာ စာရေးသူနှင့်အတူ ကျူရှင်ပြဘက် ကျူရှင်ဆရာ ဦးမြတ်သူ ဖြစ်သည်။ ဥက္ကဌမှာ စပ်စံထွန်း ဆေးရုံးအုပ်ကြီး ဒေါက်တာတင်ဝင်း ဖြစ်သည်။ ဗဟို သပိတ်ကော်မတီ၏ ဦးဆောင်မှု အောက်၌ ကျောင်းသားအဖွဲ့အစည်းများအားလုံးအပါအ၀င် အဖွဲ့အစည်းပေါင်း သုံးရာကျော်ရှိခဲ့သည်။ တရားဟော စင်မြင့်မှာ ဗဟိုသပိတ်ကော်မတီ၏ လက်ဝယ်သို့ ရောက်ရှိလာပြီး ပြည်နယ်ဘောလုံးကွင်းကြီး အတွင်း၌ ပရိသတ်တသိန်းကျော် တက်ရောက်ခဲ့သည့် တရားပွဲပေါင်း ၁၂ ပွဲခန့် ကျင်းပနိုင်ခဲ့သည်။ ပထမဆုံး တရားပွဲတွင် ဒေါက်တာတင်ဝင်းနှင့် စာရေးသူ နှစ်ဦးတည်း ဟောခွင့်ရခဲ့သည်။
တရားဟောပွဲများ အရှိန်ရလာသောအခါ သမိုင်းဝင် ရှမ်းပြည်နိုင်ငံရေး ခေါင်းဆောင်လူကြီးများကိုပါ ဖိတ်ကြားပြီး ပါဝင်ဟောကြားနိုင်ရန် ဗဟို သပိတ်ကော်မတီ အနေဖြင့် စီစဉ်ပေးခဲ့သည်။ မှတ်မိသမျှမှာ ပင်လုံစာချုပ် လက်မှတ်ရေးထိုးခဲ့သူ ဦးထွန်းမြင့်၊ ဦးခွန်ထီး တို့နှစ်ဦးတို့အပြင် ဦးထွန်းဖေ၊ ဦးညွန့်မောင်၊ ရပလ ခေါင်းဆောင်ကြီး ဦးရွှေအုံး တို့ဖြစ်သည်။
မှတ်မှတ်ရရ တစ်ရက်တွင် နောက်နေ့ ကျင်းပမည့် တရားပွဲအတွက် မည်သည့်ခေါင်းဆောင်များက မည် သည့်အကြောင်းအရာများအား ဟောကြားကြရန် ဦးခွန်ထီးအိမ်တွင် စုဝေးတိုင်ပင်ကြသည်။ အထက်ပါ ခေါင်းဆောင် ကြီးများအပြင် ဗဟိုသပိတ်ကော်မတီမှ ခေါင်းဆောင်များ၊ ကျောင်းသား ခေါင်းဆောင်များ တက်ရောက်ခဲ့ကြသည်။ ဤတွင် ဦးရွှေအုံးက ဖက်ဒရယ်အကြောင်းကို သူ ဟောမည်ဟု အဆိုပြုသည်။ တိုင်းရင်းသားခေါင်းဆောင်များ အကြား၌ ဖက်ဒရယ် ဆရာကြီးအဖြစ် နံမည်ကြီး လှသူ ဦးထွန်းမြင့်က ကန့်ကွက်သည်။ ဤပွဲမှာ ဒီမိုကရေစီရေးကို ဦးတည် လှုပ်ရှားနေသောပွဲဖြစ်သဖြင့် ဖက်ဒရယ်ကို မဟောသင့်သေးကြောင်း၊ အချိန်စောနေကြောင်း အကြောင်းပြသည်။ လူကြီးအချင်းချင်း ငြင်းခုံဆွေးနွေးနေကြသဖြင့် စာရေးသူတို့ လူလတ်၊ လူငယ်များက ငြိမ်ပြီး နားထောင်နေခဲ့ကြသည်။ ဦးရွှေအုံးက ဦးထွန်းမြင့် ဖြောင့်ဖျပြောဆိုသည်ကို လက်မခံ ငြင်းခုံသည်။ ဖက်ဒရယ်ကို မှ ဟောခွင့်မရလျှင် သူမဟော တော့ဟု ဆိုကာ စိတ်ကောက်သလို ပြု၇င်း ဘာမှ မပြောတော့ဘဲ ထိုင်နေတော့သည်။ နောက်ဆုံးတွင်
ဦးခွန်ထီးက ကဲဗျာ သူ သည်လောက်ဟောခြင်လဲ ဟောပါစေ။ ပရိသတ် နားလည်တန်သလောက်လဲ နားလည်သွားတာပေါ့ ဟု ၀င်ရောက် ဖြန်ဖြေတော့မှ ဦးရွှေအုံးမျက်နှာ ကြည်လင်လာသည်။
နောက်တနေ့ တကယ်တန်းဟောသည့်အချိန် ဦးရွှေအုံး အလှည့်ရောက်သောအခါ ဖက်ဒရယ်ကို စတင်ဟော၍ နှစ်မိနစ် သုံးမိနစ်ခန့် အကြာမှာပင် ပရိသတ်အတွင်းမှ စီစီညံညံ အသံများထွက်လာသည်။ "လာပြန်ပြီ လားကွ ခွဲထွက်ရေး" "အခုက ခွဲထွက်ရေး လုပ်ရမယ့် အချိန်မဟုတ်ဘူး။" "ဒီမိုကရေစီရေးကို တောင်းဆိုနေတဲ့ အချိန်မှာ ဖက်ဒရယ်ကို တောင်းနေရင် ရှုတ်ကုန်မယ်" ဟု ရေရွတ်လျှက် ပရိသတ်အမြောက်အများ ကွင်းထဲမှ ထပြန် သွားကြသည်မှာ စာရေးသူ၏ ကိုယ်တွေ့ ဖြစ်သည်။ အဘယ်ကြောင့် ဤသို့ ဖြစ်ခဲ့သနည်း။ ဖက်ဒရယ်မှာ ခွဲထွက်ရေး ဖြစ်ကြောင်း ဗိုလ်ချုပ်နေ၀င်း ဦးဆောင်သည့် စစ်အာဏာရှင်များက တောက်လျှောက်ဝါဒဖြန့် ခဲ့သောကြောင့်ဖြစ်သည်။
ယခုမူ အခြေအနေသည် ပြောင်းပြန်ဖြစ်နေပါပြီ။ လက်ရှိအာဏာရနေသည့် စစ်ခေါင်းဆောင် ဟောင်း သစ်များ ကိုယ်တိုင် မငြင်းနိုင်တော့။
မည်သည့်ဒီမိုကရေစီ အင်အားစုတခုတလေကမျှလည်း မကန့်ကွက်။ ပြီးခဲ့သည့် ရှစ်လေးလုံးငွေရတု ဆုံးဖြတ်ချက်မှာပင် ဖက်ဒရယ်ပြည်ထောင်စု ဖွဲ့စည်းပုံအခြေခံဥပဒေသစ်တရပ် ရေးဆွဲရေးကို ထည့်သွင်းခဲ့ခြင်းအရ လူထုများကြီးကိုယ်တိုင် လက်ခံလာပြီဟု ရှုမြင်နိုင်သည်။ ၁၉၆၂ ခုနှစ်မှစ၍
သုံးသပ်လျှင် ယနေ့  ကာလမှာ နိုင်ငံရေးအရ တဆစ်ချိုးပြောင်းသွားခြင်းဖြစ်သည်။ ဖက်ဒရယ်သည် တင့်တောင့်တင့်တယ် နိုင်ငံရေးဇာတ်ခုံ ပေါ်တက်လာပြီဖြစ်သည်။ အာဏာပလ္လင် ပေါ်နောက်တဆင့်တိုးတက်ရန် ဖက်ဒရယ်ပြည်ထောင်စု ဖွဲ့စည်းပုံအခြေခံ ဥပဒေသစ်တရပ်ကို အမြန်ဆုံးရေးဆွဲ အတည်ပြု ကျင့်သုံးရန်သာ ရှိတော့သည်။
စာရေးသူအနေဖြင့်မူ ဤလုပ်ငန်းစဉ်မျာ နောက် ကျလွန်းနေသည်ဟု မြင်သည်။ အာဏာရှင်စနစ် ကျင့်သုံး၊ဘုံးဘုံးလဲကျခဲ့သည့် ဂျာမနီနိုင်ငံတွင်
ဒုတိယကမ္ဘာစစ်ကြီးအပြီး ၄ နှစ်အတွင်းမှာပင် ဖက်ဒရယ်ဖွဲ့စည်းပုံကို ရေးဆွဲ အတည်ပြုကျင့်သုံးခဲ့ရာ ယခုကမ္ဘာ့ ထိပ်တန်း နိုင်ငံစာ ရင်းဝင်ဖြစ်နေပြီ။
မြန်မာနိုင်ငံတွင် ၁၉၆၁ ၌ ဖက်ဒရယ် တောင်းဆိုချက် ထွက်ပေါ်ခဲ့သည့် အချိန်တွင် အတည်ပြုကျင့်သုံးခဲ့ပါက ယခုအခါစင်္ကာပူထက်ပင် သာလွန်သည့် စီးပွားရေးအခြေအနေများ ခံစားခွင့်ရနေကြပါမည်။
အောင်ထူး (ရှေ့နေ)
ဥပဒေ အထောက်အကူပြုကွန်ယက် တည်ထောင်သူ
သြဂုတ်လ ၃၀ ရက် ၂၀၁၃ ခုနှစ်



www.arakantimes.net