Arakan Express Daily: သားအိမ်အ၀က အမြဲ ပွင့်နေသလား ပိတ်နေသလား(မိန်းကလေးများ ဖတ်ရန်ဆေးစာ)

သားအိမ်အ၀က အမြဲ ပွင့်နေသလား ပိတ်နေသလား(မိန်းကလေးများ ဖတ်ရန်ဆေးစာ)

ကိုယ်ဝန်ဆောင်နေတဲ့ အချိန်မှာ သားအိမ်အဝဟာ ပိတ်နေတယ်ဆိုတာ ဟုတ်လားရှင့်။ ကိုယ်ဝန်ပျက်/ဖျက်တဲ့သူဟာ သားအိမ် ပွင့်သွားလို့လား။ ပျက်ပြီးရင် သားအိမ်ဝက ပြန်ပိတ် သွားတာလားရှင့်။ ကိုယ်ဝန်ပျက်/ဖျက်ပြီးရင် သားအိမ်ဝက ပွင့်နေတဲ့ အတွက် ပိုးဝင်နိုင်တယ်လို့ ဆရာဝန်တွေက ပြောကြလို့ပါ။ ကိုယ်ဝန်ဆောင် မဟုတ်ပဲ သာမန် အမျိုးသမီးတွေမှာကော သားအိမ်ဝက ပွင့်နေလား ပိတ်နေတာလား သိချင်ပါတယ်။ သားအိမ် ပိုးဝင်တာ အတွက် သောက်ရတဲ့ ပိုးသတ်ဆေးက ပိုးတွေကို သေစေရုံပဲလား။ မျိုးဥထွက်မှုကိုကော ထိခိုက်စေနိုင်လား။

• သားအိမ်ဝဆိုတာ ဖြစ်ကတည်းက ပိတ်ထားတဲ့ပါးစပ်လိုနေတယ်။
• ရာသီဆင်းချိန်မှာ စိမ့်ထွက်သလောက်သာပွင့်တယ်။
• ကိုယ်ဝန်ဆောင်ရင် နဂိုအတိုင်သာ ပိတ်ထားတဲ့ ပါးစပ်လိုဘဲနေတယ်။
• ကိုယ်ဝန်ပျက်ရင် ပွင့်ပွင့်လာတယ်။ အတုံးအခဲ ဆင်းနိုင်လောက်အောင် ပွင့်တယ်။ လုံလောက်အောင် မပွင့်ဘဲ နေတာလဲရှိတယ် ပိုနာမယ်။ ရက်ပိုကြာမယ်။ အဲလိုလူနာကို သားအိမ်ခြင်တဲ့ အခါ ချဲ့ပေးပြီးမှ ခြစ်ထုတ် ရတယ်။ D and C လို့ခေါ်တယ်။ D ဆိုတာက ချဲ့ပေးတာ။ လေဟာနယ်ကရိယာနဲ့စုပ်ရရင်လဲ ကရိယာလေး ထည့်နိုင်အောင် ချဲ့ပေးရတတ်တယ်။
• ကိုယ်ဝန်တား (ကောပါးတီ) ထည့်ရင် တချို့ကို သားအိမ်ဝက လုံးဝမပွင့်ရင် နဲနဲလေး ချဲ့ပေးရတတ်တယ်။
• ကိုယ်ဝန်ရင့်လာလို့ တချို့က မလိုအပ်ဘဲ ပွင့်တာရှိတတ်တယ်။ Cervical incompetence ခေါ်တယ်။ သားအိမ်ဝကို ချုပ်ထားပေးပြီး တကယ်မွေးဖွါးတော့မှ ဖြုတ်ပေးရတာလဲ ရှိတယ်။
• ကလေး မီးဖွါးတော့မယ် ဆိုရင် ဗိုက်နာတာနဲ့ သားအိမ်ဝက စပွင့်လာမယ်။ လက်တချောင်းစာ၊ ၂ ချောင်းစာ စသဖြင့် ပွင့်ပွင့်လာတော့မယ်။ ၁ဝ စင်တီမီတာ အထိပွင့်ရင် ကလေးဖွါးနိုင်ပြီ။
• မီးဖွါဘို့ရာ ဗိုက်နာပေမဲ့ သားအိမ်ဝက လုံလောက်အောင်မပွင့်ရင် ပွင့်ဆေးပေးရတာလဲ ရှိတယ်။ သားအိမ်ဝက ပွင့်ပေမဲ့ လုံလောက်အောင်မနာရင် ဆေးသွင်းပေးရတယ်။ အဲဒီ ဖြစ်စဉ် ၂ ခု ဟန်ချက်ညီနေမှသာ ပုံမှန်မွေးဖွါးတာဖြစ်တယ်။
• သားအိမ်ဝဟာ မဟဘဲ ပိတ်ထားသလိုနေပေမဲ့ မျက်စိနဲ့ မမြင်နိုင်အောင်သေးတဲ့ပိုးတွေ ကောင်းကောင်းဝင်နိုင်တယ်။ ဒါပေမဲ့ ကိုယ်ဝန်ဆိုရင် ကလေးက ရေမွာအိပ်ထဲနေလို့ လုံခြုံတယ်။ ရေမွာ အိတ်စောပေါက်သူတွေကို မြန်မြန် မွေးအောင် လုပ်ပေးရတယ်။ အချိန်ကြာရင် ပိုးဝင်တာနဲ့ အာဟာရနည်းတာ ကလေးမှာဖြစ်လာစေနိုင်တယ်။
• ရောဂါပိုးတွေဟာ သားအိမ်အဝ ပိတ်နေလဲ သားအိမ်နှုပ်ခမ်းခေါ်တဲ့ Cervix ကို ကူးစက်နိုင်တယ်။ လိင်ကတဆင့် ကူးစက်ရောဂါတွေဆိုတာ အဲဒီနေရာမှာဖြစ်ရတာများတယ်။ ရောဂါတွေဖြစ်လဲ သားအိမ်နှုပ်ခမ်းမှာသာ အဖြစ်များတယ်။ သားအိမ် ကိုယ်ထည်အထိရောက်တာက နည်းတယ်။ ကင်ဆာလဲ အဲလိုဘဲ။
• ပွင့် (ဟ) လာတဲ့ သားအိမ်ဝဟာ ကိုယ်ဝန်ပျက်လို့ဖြစ်ဖြစ်၊ သားအိမ်ခြစ်ပြီးလို့ ဖြစ်ဖြစ်၊ မွေးလမ်းကြောင်းကနေ ကလေးဖွါးလို့ ဖြစ်ဖြစ် ပြီးစီးတာနဲ့ ချက်ချင်းဆိုသလို ပြန်ပိတ်မယ်။ ဒါပေမဲ့ ကလေးဖွါးဘူးသူ တယောက်ဟာ မမွေးဘူးသူထက် ပိုသိသာမယ်။ တချို့ ကိုယ်ဝန်ဆောင်တွေဟာ တကယ်ကလေးမမွေးချင်သေးဘဲ နည်းနည်းဖြစ်ဖြစ် ဟနေတတ်တာရှိတတ်တယ်။ ရောဂါမဟုတ်ပါ။
• မျိုးဥထွက်မှုကိုတော့ ပိုးသေဆေးတွေက သက်ရောက်မှုမရှိပါ။ မျိုးဥထွက်တာက ဟော်မုန်းထွက်ခြင်းနဲ့ ဆိုင်တယ်။ ဗက်တီးရီးယားသေဆေးတွေ မလိုဘဲသောက်ရင် မှိုပိုးတွေ ပွါးလာနိုင်တယ်။ အဖြူဆင်းတာဖြစ်နိုင်တယ်။ ဆေးကြော သန့်ရှင်းတာမှာလဲ ပိုးသေဆေးတွေပါနေရင် အဲလိုဖြစ်နိုင်တယ်။

ဒေါက်တာတင့်ဆွေ