Arakan Express Daily

Khaing MG Mrint Khaing

=============================
ရခိုင်ပြည်နယ်၊ ကျောက်ဖြူမြို့တွင်ပြုလုပ်မည့် ရခိုင်အမျိုးသားညီလာခံတွင် ရခိုင်ပြည်နယ်နှင့် သက်ဆိုင်သည့်စာတမ်းခြောက်ခုကိုဆွေးနွေး သွားမည်ဖြစ်ကြောင်း ရခိုင်တိုင်းရင်းသားရေးရာ ဝန်ကြီးဦးဇော်အေးမောင်က ပြောသည်။

ယင်းကို မတ်လ ၂ဝ ရက်၊ ညနေ ၄ နာရီခန့်က ရန်ကုန်မြို့၊ ဗဟန်းမြို့နယ်ရှိ ဓညဝတီဘုန်းတော် ကြီး ကျောင်းတွင်ပြုလုပ်သော ရခိုင်အမျိုးသား ညီလာခံဖြစ်မြောက်ရေးသတင်းစာရှင်းလင်းပွဲတွင် ပြောကြားခဲ့ခြင်းဖြစ်သည်။

ရခိုင်အမျိုးသားညီညွတ်ရေး၊ တန်းတူရေးနှင့် တရားမျှတရေး၊ လုံခြုံငြိမ်းချမ်းပြီး ဖွံ့ဖြိုးတိုးတက် သည့် ရခိုင်လူ့ဘောင်သစ်တစ်ရပ်ပေါ်ပေါက်ရေး အတွက် လာမည့်ဧပြီလ ၂၇ ရက်မှ မေလ ၁ ရက်အထိ ၅ ရက်တိုင်တိုင်ကျင်းပမည့် ရခိုင်အမျိုးသားညီလာခံတွင် (၁)တိုင်းရင်းသား စည်းလုံးညီညွတ်ရေးစာတမ်း၊ (၂)အမျိုးသား တန်းတူရေးနှင့် ကိုယ်ပိုင်ပြဌာန်းခွင့်ရှိရေးစာတမ်း၊ (၃)ရခိုင်လူ့ အဖွဲ့အစည်း လုံခြုံအေးချမ်းစွာ အသက်ရှင်ရပ်တည်နိုင်ရေးအတွက် ပထဝီ အနေအထား၊ နိုင်ငံရေး၊ လုံခြုံရေးနှင့် ဆက်စပ် သည့်စာတမ်း၊ (၄)စီးပွားရေး၊ ပညာရေး၊ ဖွံ့ဖြိုး ရေး၊ ကျန်းမာရေးနှင့်ပတ်သက်သည့်စာတမ်း၊ (၅)ငြိမ်းချမ်းရေးနှင့် ပတ်သက်သည့်စာတမ်းနှင့် (၆) လူသားချင်း စာနာထောက်ထားရေး အထောက်အပံ့နှင့် ဖွံ့ဖြိုးရေးအထောက်အပံ့ စာတမ်းတို့ကို ဆွေးနွေးသွားမည်ဖြစ်ကြောင်း သိရသည်။

"ဒီစာတမ်းတွေကိုတင်မယ်။ အတည်ပြုမယ်။ မူဝါဒတွေချမယ်။ action plan တွေရေးဆွဲ သွားမယ်" ဟု ရခိုင်အမျိုးသားညီလာခံဖြစ် မြောက်ရေးဆိုင်ရာ ညှိနှိုင်းရေးအဖွဲ့ဝင် ရခိုင် တိုင်းရင်းသားရေးရာ ဝန်ကြီးဦးဇော်အေးမောင်က ယင်းနေ့ကပြုလုပ်သည့်သတင်းစာရှင်းလင်းပွဲတွင်ပြောသည်။

ပဋိပက္ခများနှင့် အကြမ်းဖက်မှုများမကြာခဏ ဖြစ်ပွားလျက်ရှိသည့် ရခိုင်ဒေသသည် အခြား တိုင်းရင်းသားဒေသများနှင့်စာလျှင် စိန်ခေါ်မှုများ စွာဖြင့်ရင်ဆိုင်နေရသည့်အတွက် ယင်းတို့ကို ဖြေရှင်းနိုင်မည့် ရခိုင်တိုင်းရင်းသား လူထုတစ်ရပ် လုံး၏ ဘုံသဘောတူညီချက်ပါရှိသောရလဒ်များ ပေါ်ထွက်လာစေရန် ယခုကဲ့သို့ ရခိုင်အမျိုးသား ညီလာခံကိုကျင်းပရခြင်းဖြစ်ကြောင်းလည်း
ရခိုင်အမျိုးသားညီလာခံဖြစ်မြောက်ရေးကော်မတီအဖွဲ့ဝင် ရခိုင်ပြည်လွတ်မြောက်ရေးပါတီ၏ အထွေထွေအတွင်းရေးမှူး ခိုင်သုခက ပြောသည်။

အဆိုပါညီလာခံမှထွက်ပေါ်လာမည့်ရလဒ်များကို နိုင်ငံတော်အဆင့်တာဝန်ရှိသူများထံတင်ပြသွား မည်ဖြစ်ပြီး ရခိုင်ပြည်နယ်အတွင်း လက်ရှိဖြစ်ပေါ် နေသော ပဋိပက္ခများနှင့် အကြမ်းဖက်မှုများကို အစိုးရက ငြိမ်းချမ်းအောင် ဖြေရှင်းမပေးနိုင်ပါက
ပြည်ထောင်စုကြီးတစ်ခုလုံး ငြိမ်းချမ်းလိမ့်မည် မဟုတ်ကြောင်း ခိုင်သုခက ဆိုသည်။

ရခိုင်အမျိုးသားညီလာခံကို ကုလားပိုက်ဆံမပါ ဝင်သော ရခိုင်စေတနာရှင်များနှင့် အခြား တိုင်းရင်းသားစေတနာရှင်များ၏ လှူဒါန်း ငွေဖြင့်သာ ပြုလုပ်သွားမည်ဖြစ်ပြီး ခန့်မှန်းခြေ ကျပ်သိန်းနှစ်ထောင် ခန့်ကုန်ကျမည်ဖြစ်ကြောင်း ရခိုင်တိုင်းရင်းသားရေးရာဝန်ကြီး ဦးဇော်အေး မောင်က ပြောသည်။

အဆိုပါညီလာခံဖြစ်မြောက်ရေးအတွက် ရခိုင် တေးသံရှင်များ၏ တေးဂီတဖျော်ဖြေပွဲတစ်ကို ယခုလ ၃ဝ ရက်၊ ညနေ ၆ နာရီအချိန် ရန်ကုန်မြို့ ရှိ မျှော်စင်ကျွန်းတွင်ပြုလုပ်သွားမည်ဖြစ်သည်။

ရခိုင်လူထုတစ်ရပ်လုံးပါဝင်သည့် ညီလာခံများကို ရခိုင်ပြည်နယ်အတွင်း ၁၉၄၇ ခုနှစ်က မြေပုံမြို့တွင် တစ်ကြိမ်နှင့် ၂ဝ၁၂ ခုနှစ်က ရသေ့တောင်မြို့တွင် တစ်ကြိမ်ပြုလုပ်ခဲ့ဖူးသည်။