“မြေယာသိမ်းခံရတာတွေနဲ့ ပက်သက်ပြီး နိုင်ငံတော်အာဏာပိုင်များက အမြန်ဆုံးဖြေရှင်းပေးစေလိုပါတယ်။ တကယ်လို့ မဖြေရှင်းပေးနိုင်ဘူးဆိုရင် လာမယ့် ရွေးကောက်ပွဲမှာ တောင်သူလယ်သမားတွေရဲ့ ဆန္ဒမဲအရေအတွက်ကို လက်နက်သဖွယ် အသုံးပြုသွားပါမယ်” ဟု စက်တင်ဘာ(၆)ရက်နေ့၌ကျင်းပပြုလုပ်သည့် မီဒီယာတွေ့ဆုံပွဲတွင် ဒုဥက္ကဌဦးကြည်လှက ပြောသည်။
မြန်မာနိုင်ငံတစ်ဝန်းရှိ မြေယာသိမ်းခံရမှုများနှင့် အခွင့်ရေးချိုးဖောက်ခံရမှုများအား ဖြေရှင်းရန်အတွက် မြန်မာနိုင်ငံလုံးဆိုင်ရာ တောင်သူလယ်သမားများနှင့် မြေယာလုပ်သားများ သမဂ္ဂအား ဖွဲ့စည်းခဲ့ခြင်းဖြစ်သည်ဟု သိရသည်။
“ကျေးလက်နေပြည်သူလူထုနဲ့ လယ်သမားတွေက အခွင့်အရေးချိုးဖောက်ခံရမှုနဲ့ နစ်နာဆုံးရှုံးမှုတွေအများကြီး ကြုံတွေ့နေ ရတယ်။ အဲ့ဒီပြသနာတွေအတွက် ရပ်တည် ကာကွယ်ဖို့ ဖွဲ့စည်းခဲ့တာပါ”ဟု ယင်းသမဂ္ဂ၏ ဗဟိုအလုပ်မှုဆောင်အဖွဲ့မှ အထွေထွေ အတွင်းရေးမှူး ဦးအောင်မိုးဝင်းက ပြောသည်။
ယင်းသမဂ္ဂအား ကုလသမဂ္ဂအခွင့်အရေးကြေညာစာတမ်းပါ အပိုဒ် (၂၀)၊ ၂၀၀၈ ဖွဲ့စည်းပုံအခြေခံဥပဒေ အခန်း (၈) နိုင်ငံသား များ၏ မူလအခွင့်အရေးနှင့်တာဝန်များ အခန်းပုဒ်မ ၃၅၄နှင့် ၂၀၁၂ခုနှစ် လယ်ယာမြေဥပဒေအခန်း ၁၃ပုဒ်မ၃၈တွင် ဖော်ပြထား သည့်အတိုင်း လွတ်လပ်စွာတရားဝင်ဖွဲ့စည်း၍ မှတ်ပုံတင်မည်ဟု အဆိုပါသမဂ္ဂက ဆိုသည်။
“ဘယ်ပါတီ၊ ဘယ်အဖွဲ့စည်းလက်အောက်ကမှ မဟုတ်ဘဲ၊ သီးသန့်ဖွဲ့စည်းထားပြီး ဘယ်သူနဲ့မဆိုလက်တွဲပါမယ်။ ကျွန်တော်တို့ အဖွဲ့အစည်းနဲ့ ပတ်သက်လို့ နိုင်ငံရေးအမြတ်ထုတ်မယ်ဆိုရင်တော့ ကျွန်တော်ကိုက လက်မခံဘဲ ပြန်လည်တုံ့ပြန်မှုတွေ လုပ်သွား ပါမယ်” ဟု ဦးအောင်မိုးဝင်းက ဆိုသည်။
ယင်းသမဂ္ဂသည် တောင်သူလယ်သမားတို့၏ အကျိုးစီးပွားအတွက်အချက် ခြောက်ချက်ချမှတ် လုပ်ဆောင်သွားမည်ဖြစ်ပြီး ယင်းအချက်များထဲတွင် တောင်သူလယ်သမားများအတွက် အမှန်တကယ်အကာအကွယ်ပေးနိုင်မည့် ဥပဒေများပေါ်ထွက် လာစေရန် ယင်းသမဂ္ဂမှ ဆောင်ရွက်သွားမည်ဟု သိရသည်။
http://myitmakhamediagroup.com
0 comments