မြန်မာအပါအ၀င် ကလေးစစ်သားသုံးတဲ့ ငါးနိုင်ငံ အမေရိကန် စစ်ရေးအကူအညီ ဆိုင်းငံ့ထား

ကလေးစစ်သားစုဆောင်းနေတာကို ရပ်တန်းကရပ်အောင် တွန်းအားပေးတဲ့ အနေနဲ့ အခုလို စစ်ရေး အထောက်အကူတွေ မပေးဘဲ ပိတ်ပင်ရ တာဖြစ်တယ်လို့ အာဖရိကရေးရာ အမေရိကန် လက်ထောက် နိုင်ငံခြားရေး ၀န်ကြီး Linda Thomas-Greenfield ကပြောပါတယ်။

ကလေးစစ်သားအသုံးပြုနေကြတဲ့ တချို့နိုင်ငံတွေကိုတော့ အမေရိကန်ရဲ့ အကျိုးစီးပွားအတွက် အခြေအနေအရ ကင်းလွတ်ခွင့်ပေးထားရ တယ်လို့ အမည်မဖေါ်လိုသူတာဝန်ရှိသူ တယောက်က ပြောပါတယ်။ Chad, တောင်ဆူဒန်နဲ့ ယီမင်နိုင်ငံတွေကို ကင်းလွတ်ခွင့်ပြုထားတာ ဖြစ်ပါတယ်။

အမေရိကန်နိုင်ငံခြားရေးဝန်ကြီးဌာနရဲ့ နှစ်စဉ်လူကုန်ကူးမှုအစီရင်ခံစာကိုအခြေခံပြီး ကလေးစစ်သား အသုံးပြုမှုကို ဆန်းစစ်တာဖြစ်ပါတယ်။ ဇွန်လက အစီရင်ခံစာအရ ၁၀ နိုင်ငံမှာ ကလေးစစ်သား အသုံးပြုနေတယ်လို့ဆိုပါတယ်။  စစ်ရေးအထောက်အပံ့ပိတ်ပင်မှု ကင်းလွတ်ခွင့်ကို အိမ်ဖြူတော်က သာ ခွင့်ပြုရတာဖြစ်ပါတယ်။
ဗွီအိုအေ