Arakan Express Daily

ဒေသတွင်း ထိပ်တန်း လေကြောင်းလိုင်းတခုဖြစ်သော SilkAir လေကြာင်းလိုင်းက ဇွန်လ ၁၀ ရက်တွင် ပထမဆုံး အကြိမ်အဖြစ် မန္တလေး-စင်္ကာပူ တိုက်ရိုက် ခရီးစဉ် စတင် ပျံသန်းတော့မည်ဖြစ်ကြောင်း စင်္ကာပူအခြေစိုက် အဆိုပါ လေကြောင်းလိုင်းမှ ပြောသည်။

“မြန်မာနိုင်ငံက တံခါးဖွင့်လာတဲ့ အချိန်မှာ စီးပွားရေးဖွံ့ဖြိုးလာပြီးတော့ မြန်မာနဲ့ စင်္ကာပူကြားမှာ ပြည်သူတွေ ခရီးသွားလာမှုကလည်း တိုးလာနေပါတယ်” ဟု SilkAir ၏ မြန်မာနိုင်ငံရုံးမှ အထွေထွေမန်နေဂျာ Lim Wei Peng က မန္တလေးမြို့တွင် မေလ ၁၅ ရက်နေ့ကပြုလုပ်သည့် ဈေးကွက် မြှင့်တင်ရေး အခန်းအနားတခုတွင် ပြောကြားလိုက်သည်။

“မန္တလေးမြို့က ဖွံ့ဖြိုးတိုးတက်လာနေတဲ့ နေရာတခုဖြစ်ပြီး ကျနော်တို့ အတွက် မန္တလေးကို တိုက်ရိုက်ခရီးစဉ်တခု ပျံသန်းပြီး ဈေးကွက်တိုးချဲ့ဖို့နဲ့ မန္တလေးမြို့က ကျနော်တို့ရဲ့ဖောက်သည်တွေအတွက် သင့်လျှော်ကိုက်ညီတဲ့ ၀န်ဆောင် မှုတွေ ယူဆောင်ပေးဖို့ ကျနော်တို့အတွက် အခွင့်အရေးကောင်းတခုရှိတယ်လို့ ခံစားရပါတယ်” ဟု သူကဆိုသည်။

ဒေသတွင်းတွင် လူသိများသည့် စင်္ကာပူလေကြောင်းလိုင်းဖြစ်ပြီး ရှယ်ယာအများစုကို စင်္ကာပူ အစိုးရက ပိုင်ဆိုင်ထားသည့် SilkAir က ခရီးစဉ်ကို Airbus A319 နှင့် A320 လေယာဉ်များဖြင့် ပျံသန်းမည်ဖြစ်သည်။ မန္တလေးမှ စင်္ကာပူနိုင်ငံ ချန်ဂီလေ ဆိပ်သို့ တပတ်လျှင် ၃ ကြိမ် အင်္ဂါ၊ ကြာသပတေး နှင့် စနေနေ့များတွင် တိုက်ရိုက်ပျံသန်းမည်ဖြစ်သည်။ အပြန်ခရီးစဉ် (စင်္ကာပူ-မန္တလေး) ခရီးစဉ်တွင်မူ ရန်ကုန်လေဆိပ်တွင် တထောက်ရပ်နားမည်ဟု သိရသည်။

စင်္ကာပူနိုင်ငံနှင့် တိုက်ရိုက်ခရီးစဉ် ရှိလာသည့်အတွက် မန္တလေး နိုင်တကာလေဆိပ်မှ ခရီးသည်များသည် ကမ္ဘာ့ အနှံ့မှ မြို့ကြီး ၉၉ မြို့သို့ ခရီးစဉ် တကြိမ်လွှဲပြောင်းရုံနှင့် ဆက်သွယ်ရောက်ရှိနိုင်မည် ဖြစ်ကြောင်းလည်း SilkAir လေကြောင်း လိုင်း၏ ကြေညာချက်တွင်ဖော်ပြထားသည်။

“ဒေသဆိုင်ရာ အာဏာပိုင်တွေနဲ့ ကျနော်တို့ရဲ့ ကုန်သွယ်ရေး စီးပွားဖက်တွေဆီက အကူအညီလည်း ရရှိပါတယ်။ ကျနော် တို့ရဲ့ တန်ဘိုးရှိတဲ့ ခရီးသည်တွေ လွယ်ကူချောမွေ့စွာ လေယာဉ်ပေါ်ကို တက်ရောက်နိုင်၊ ဆင်းသက်နိုင်ရေးအတွက် လေဆိပ်တာဝန်ရှိသူတွေနဲ့ အတူ ကျနော်တို့ လုပ်ဆောင်နေပါတယ်။ ဒါကြောင့် ဇွန်လ ၁၀ရက်နေ့ မှာ ခရီးစဉ်ကို အဆင် ပြေပြေစတင်နိုင်လိမ့်မယ်လို့ အတော်လေးကို ယုံကြည်ထားပါတယ်” ဟု Lim Wei Peng က ထပ်ပြောသည်။

အသွား-အပြန် လက်မှတ်တစောင် ၏တန်ဖိုးမှာ အရောင်းမြှင့်တင်ရေးကာလဖြစ်သည့် မေလမကုန်မီအတွင်း ကြိုတင်စာရင်း ပေးမှာယူလျှင် ၂၅၃ အမေရိကန် ဒေါ်လာ ကျသင့်မည်ဟု လေကြောင်းလိုင်း၏ အဆိုအရသိရသည်။ မြန်မာနိုင်ငံတွင် ၂၀၁၁ ခုနှစ်မှ စ၍ ခရီးသွားလုပ်ငန်းဖွံ့ဖြိုးတိုးတက်လာခဲ့ရာတွင် မြန်မာနိုင်ငံ၏ ယဉ်ကျေးမှုမြို့တော်ဟု သိကြသည့် မန္တလေးမြို့လည်း အပါအ၀င်ဖြစ်သည်။

၂၀၁၃ ခုနှစ်အတွင်းတွင် ကမ္ဘာလှည့် ခရီးသည် ၃၀၀၀၀ ခန့် မန္တလေး အပြည်ပြည်ဆိုင်ရာလေဆိပ်သို့ နိုင်ငံတကာ လေကြောင်းလိုင်းများဖြင့် လာရောက်ခဲ့ကြသည်။ ထိုင်းလေကြောင်းလိုင်းများဖြစ်သည့် Bangkok Airways၊ AirAsia၊ Thai Smile နှင့် Thai Airways International တို့က ၂၀၁၃ ခုနှစ်ကထဲက မန္တလေး-ဘန်ကောက် ခရီးစဉ်များ ပျံသန်းနေခဲ့ကြ ပြီဖြစ်သည်။

irrawaddy News